今天放補假，因為要去 屯門，雖然是沒完沒了但算是有進步啦。

回家後落停車場整手作仔，就係 Stream 仔 變靚第三擊，DIY 頭 Spoiler 銀邊。

只係用少少時間 and 平價材料 就有意想不到既效果，不得不佩服日本人的頭腦。

踢完波後，會合 Andy Yan 出席 阿仙奴亞洲官方球迷會 在 尖沙咀 舉辦的睇波 party，

118 屠魔派對 是今次睇波 party 的口號，最終由 拿斯尼 梅開二度，以 2:1 擊敗 曼聯，

成功屠魔，當晚全場氣氛高漲，真係一個開心派對呢，哈哈。

當晚亦派發早前訂購的 阿仙奴精品，有禮物收，真係好開心，可惜 Back Tonal Tie 就沒有來貨了。

又是星期六啦，又同 Stream 仔 洗白白，黑色車係靚，但唔可以偷賴，有小小塵就好明顯，

所以通常隔個星期就要洗一次車，今日還清潔沾滿了 brake 粉的 wheels，要用力狂擦，隻手超累，

跟住係全車吸塵，7 seats 車大了坐位也多了，相比之前部 5 seats 吸塵同洗車也要用多一點時間呢。

新車落地後都未影 engine room，今天影下來留念。

最後係 Stream 仔 變靚第二擊，紅色 Carbon Honda 章。

Stream 仔 變靚第一擊，Modulo 腳踏，唔講咁多，睇睇效果啦!

一連 5 日係 太古 HP training，K68 --> 西鐵 --> 東涌線 --> 港島線，轉到頭都暈啦!

雖然轉轉轉但時間只係 1 個鐘鬆 D，算是幾快捷啦，比起以前，哈哈

K68: 7 mins

西鐵: 19 mins

東涌線: 8 mins

港島線: 15 mins

車程 49 mins，當然未計等車 and 步行轉站的時間啦。

食飯時見到 UM 舊同事 Tony Lo，約了他明天食飯聚一聚。

Sunday，晨咁早起身，約咗車友 morning drive，9:00 去到 大帽山川龍飲早茶，跟住去 南生圍 影相，

最後就到位於 雷公田 附近既 "農場鮮奶" 食薑汁撞奶，非常之滑呢! 仲有 鮮奶芒果布甸，留返下次試。

回家後幫 In 整埋新電腦 D 手尾，嚴格黎講唔算新電腦係費物利用，現在屋企有 3 部電腦啦。

舅母 買了好多大閘蟹比我地食，足夠食兩餐毎次食兩隻，因為太多大閘蟹的關係 媽咪 順手蒸比

婆婆, 舅父, 舅母 食，順便去 婆婆 家同 BB表妹 玩，BB表妹 真係好得意，佢今日終於都比我抱 and

唔會哭啦，前幾次每當我望住 BB表妹，佢就會拎轉面唔望我，估唔到今日 BB表妹 會比我抱，真開心!

BB表妹 已經開始周圍爬，還會拿毛巾抹地，勁攪笑。

近幾次見 婆婆，婆婆 差唔多毎次都會問我同一個問題......

同場加插: 舊款與新款 Stream 仔，白色的 Stream 仔 是 舅父 的，加裝包圍之後超靚仔呀，

其實我好想幫 Stream 仔 加隻尾翼，但市面上既尾翼未有一款係我真係好鐘意，

無一個款比到我一種 "係你啦" 既感覺，係我要求太高??   但選錯了無得返轉頭嫁，再睇真 D 先!!

星期六，今個星期又唔夠人去踢波，其實一直都只係剛剛好夠人，要是有兩位唔出席就唔夠人了，

大家對踢波的熱誠減退了嗎??   但我還是好喜歡踢波呢，好彩我們還有充滿熱誠既 阿康，

每星期約人踢波既重任都是由 阿康 負責，謝謝呀。

無得去踢波改去影相，開著 Stream 仔 去 流浮山下白泥影相，沒有日落的白泥下同 Stream 仔 影相，

因為日落時間係唔會有機會泊底 Stream 仔 悠閒地影相，接近離開的時候收到 康 的 sms 說照去踢波，

於是 6 個人照去踢波了。